En tiu projekto kunlaboras organizaĵoj el landoj kun tre malsimilaj kulturoj kaj lingvofamilioj. 

  • Slava (pola),
  • Ĝermana (germana),
  • Finno-ugra (hungara),
  • Nederlanda (frisa).

Tio donas vere bonan eblon por emfazi multlingvecon kaj kompari tre diversajn elementojn de tiuj kulturoj:

  • tradiciojn
  • arton
  • folkloron
  • muzikon

La projekto celas fortigi inter la partoprenantoj la konscion pri la pozitivaj aspektoj de interkulturismo - la deziratan trajton de miksitaj socioj, kiel staton de aktiva toleremo.

Ni ankaŭ volas montri vojojn por ŝanĝi konscion pri multkulturaj socioj - kie diversaj etnaj grupoj vivantaj en la sama areo ofte ne akceptas unu la alian.

Ni lernos kaj pludonos scion pri tio, kiel eviti naciisman konduton, tamen konservante kulturan identecon - la plej gravan trajton de la nacia konscio. Por plibonigi la intereson de la partoprenantoj kaj la spektantaro pri la temo de multkultura socio, ni uzos novigan metodon de engaĝado de intergeneraciaj grupoj en la planitajn projekt-aktivecojn - tradiciaj metiejoj, aktiva partopreno en la preparado de la folklor-eventoj kaj popolaj festivaloj. Interesaj temoj realigataj en alloga formo de aktiva partopreno estos pli efikaj ol tradiciaj kursoj kaj prelegoj.

Internaciaj renkontiĝoj faros la procezon de lernado pri la propra kaj pri aliaj kulturoj eĉ pli interesa. La rezultoj de niaj agoj estos ekzamenitaj, montritaj en la projektproduktoj kaj vaste dissemitaj - speciale en etne potenciale malfacilaj areoj. Konkludoj de la projekto estos inkluditaj en la estontajn laborplanojn de la partneraj organizaĵoj.

 Kultura diverseco - multlingvismo | laarts